Listening : Highlight correct summary

 Listening : Highlight correct summary

嚮呢個部份，會有一段30到90秒不等既錄音。
然後要從四個選擇入面，揀選一個最接近的概要。

錄音播放前會有十秒預備時間，呢十秒可以用來速讀四個選擇，先對呢四個選擇建立印象。
如果呢十秒睇唔完四個選擇，就要切記唔好在聆聽時分神。
聆聽時聆聽，錄音一開始就全力集中聽。

預讀答案有兩個好處。
首先腦海對題材有左印象，對聆聽時有好大既幫助。如果你預知某些艱深詞彙可能出現，聆聽時聽到詞彙既機會係會大增既。
其次係四個答案中好多時有一兩個係完全唔似樣既。可能係同錄音完全無關，或者同錄音立場相反，咁就可以快速剔除錯誤既答案喇。

聆聽時唔好分神做筆記。
如果有一些關鍵轉折位怕忘記，就寫低簡單一個字作記號。
筆者自己本身就甚少在呢部份寫筆記，因為集中聆聽比較緊要，而且聆聽時間其實係緊迫既。
完左錄音，建議唔好花多過15-30秒選答案。就算寫低一大堆筆記，都冇時間睇。

唔少時間到最後會有兩個比較似樣既答案淨低，咁就要注意錄音既中心思想。
最常見既陷阱係有一個選擇有好多錄音出見過既生字，但就有半句既內容同錄音有矛盾或者完全無關。另一個選擇會將生字改頭換面，例如改寫(paraphrase)，同義詞(synonym)等。但意思上比較貼近錄音。如果純粹看字面，唔細心推敲，就有機會錯喇。

Highlight correct summary 呢部份只要細心聽，多練習，要全取滿分唔難既。

希望我既分享可以幫到大家

本文也會轉載到facebook專頁:

www.facebook.com/solvingpte

如果喜歡我既文章，請訂閱和分享，謝謝。