預備應考(1): 免費PTE資源

 預備應考(1): 免費PTE資源

移民或者去外地讀書，支出唔少，當然慳得就慳
網上有唔少免費既資源，可以幫到大家預備PTE，呢度嘗試整合一下供大家參考。
五大免費資源，缺一不可。

A. Pearson 官方免費模擬試題

Pearson 官網曾經提供過一份免費既模擬試題畀大家下載。
後來，佢地開發左自己既練習 app，果份試題就改左以app既形式發放。
如果大家想熟習一下題型，可以下載程式來試試
https://pearsonpte.com/preparation/resources/official-practice-app/

如果想用模擬試題做一次三小時模擬考試，官網已經無得好似以前咁一次下載哂成個測試既題目。不過上網總有方法搵到既。

另外 Pearson同E2 language以及Macquiarie University合作，提供一些免費PTE課程
https://pearsonpte.com/preparation/resources/courses/
尤其係E2 language既免費video，值得高度推介
https://www.youtube.com/playlist?list=PLNgX3kw7kalssPJzPjvreH6tnyjMmGbu1


B. 非官方練習網站
坊間有好多PTE相關既網站，可以分兩類:

  • 練習個別題型
  • 三小時完整練習

練習個別題型
  1. Realpte
    https://realpte.com/home/
    中國網站，用email簡單登記後，有大量試題。試題質素就有點參差，好多錄音都係電腦合成聲音，同真實考試有差距。

三小時完整練習

  1. Practepte
    http://www.practicepte.com/ 
    提供兩個免費模擬測試，用email登記。第一個測試其實就係Pearson果份免費試題。第二個測試就係印度發音。印度口音嚮PTE題目入面都係一個常見口音，所以練習下也係無壞。
  2. Ptesuccess
    http:/ptesuccess.com.au
    都係email登記左之後，有一個免費模擬測試。介面設計細心，而且有一個模擬噪音既功能。之前講過考PTE係好嘈既，所以呢個噪音功能都可謂相當貼心。不過，真係考會比噪音功能更嘈吵。
  3. 79 score
    https://www.79score.com/
    又係email登記左之後，有一個免費模擬測試。題目既質素接近真實考試。有AI評分功能作參考，下管會再講講。

C. 非官方練習程式
  1. APEUni
  2. PTE Alpaca
兩個都係中國製既程式。好處就係有好多試題(中國術語叫機經)。題目質素卻參差不齊。中國考生好喜歡用記題既方式應試，不過個人唔主張呢個方法。

一來記題目很花時間和勞力，而且Pearson也知道大家會背題，所以間唔中會以舊題改變一一些細微關鍵位來出新題。如果靠背題，好易出錯。

二來背題目對學英文係無幫助既， 來到澳洲無論做野定讀書，你既英文水平如何係直接影響你未來既生活水平，所以預備PTE都係選擇一些令英文有所進步既方法啦。

如果背題就可以過關的話，就人人都90分啦。 

D. BBC

無錯，BBC。 BBC有個learning English既專頁，入面有個叫Lingohack既專題
https://www.bbc.co.uk/learningenglish/english/features/lingohack
呢個專題每星期會有一篇專訪，大約分零鐘，BBC出品，質素當然不用懷疑。用來當Retell Leture (RL) 或者 Summarise Spoken Text(SST) 既練習，相當不錯。

E Edx.org

https://www.edx.org/ 
呢個係麻省同哈佛開發既一個平台，上面有好多唔同既免費課程，有唔同範疇，以英語進行，可以免費參加。這個資源好適合用來練習聆聽(listening)，因為所覆蓋既題材廣泛，也有唔同國藉口音既講者，而且有字幕功能。


五大資源寫到呢度，下次推介兩本書，同埋講講坊間既AI評分。


本文也會轉載友好facebook專頁:
www.facebook.com/solvingpte

如果喜歡我地既文章，請訂閱和分享，謝謝。 

留言

張貼留言

這個網誌中的熱門文章

Writing: Summarise Written test (SWT) (下)

 Writing: Summarise Written test (SWT) (下) 上篇示範左做SWT既技巧，今次討論返SWT既評分標準。 根據PTE官方評分手冊，共有四個評分範疇: 內容(Content)，句式(Form), 文法(Grammar) 同 生字(Vocabulary) 各 0-2分 做SWT就係要嚮時間有限，編幅有限既情況下盡量拿取分數。 首先要確保字數符合要求，即5-75字內。 少過5隻字相信唔駛講，但也不是愈多愈好。如果超過75字，不單Form 會拿0分, Grammar, Vocabulary, Content 也會失分。 SWT答案要求係一句文法正確通暢既句子。 因此答案不是愈長愈好, 一般35-45字既答案都幾足夠, 如果原文複雜一點, 都盡量在50字左右。原因係太長既句子,自不然會出現文法不通既情況。隨便拿本英文書來看, 一般句子字數都係50以下。答案覆蓋到大部份內容, content便穩得1分。如果貪心為左全取content 2分, 失去左grammar 2分,其實係為左1分蝕2分。句子結構太差既話,例如詞語錯了詞類（part of speech), 也可能被理解做唔熟悉詞語用法, 可能牽連到vocabulary 分。 坊間有些建議考生把句子單純用連接詞或標點組成一句75字既冗長句子, 以求盡取內容分。有時時佢哋既建議答案甚至係句子結構不通, 文法不順, 咁樣其實會被扣分既。 至於上次示範, 每一段先找出重點串成短句, 目的就係想確保內容齊備。只要大家多練習, 控制好時間,要全取內容分其實唔困難。 希望我分享既資訊可以幫到大家。 本文也會轉載到facebook專頁: www.facebook.com/solvingpte 如果喜歡我既文章，請訂閱和分享，謝謝。
閱讀完整內容

Speaking: Repeat Sentence (上)

Speaking:  Repeat Sentence (RS) (上) Repeat Sentence係Speaking中重要既一部份。PTE入面會有10-12題 RS，可見佔分非輕。 RS亦係PTE Speaking入面要練習既重點。 RS除左考聽力，朗讀，其實仲係考緊短期記憶。 短期記憶係可以訓練既。我建議可以預留臨考試既前幾天，作密集式訓練。 一日做幾十條RS，做得一百幾十條後，會發現短期記憶係會有所提升。 RS大概係十幾個數字既短句，練習時可以熟練把聽到既分三到四節記著，再還完全句朗讀出來。 集中留意句子既意義，也會令短期記憶加深。 RS難度在於在短句播完後，不一兩秒就要重覆句子。 嚮PTE入面，如果開始錄音後三秒仍未出聲，就會停止錄音，全題失分。 RS既評分標準分三部分，內容(Content)，流暢度 (Fluency) 和發音(Pronunication) 內容，流暢度和發音各滿分係3份。 其中要留意內容分既評分準則。 3 - All words in the response from the prompt in the correct sequence 2 - At least 50% of words in the response from the prompt in the correct sequence 1 - Less than 50% of words in the response from the prompt in the correct sequence 0 - Almost nothing from the prompt in the response  首先，RS係計正確次序既，例如: I bought apples, oranges and pears from the supermarket yesterday. 如果要全取三分，次序一定要正確，如果apples, oranges, pears 都記到，但次序錯左，例如 oranges, apples, pears，咁就會失分。 其次，要拎到2分既要求其實一點也唔高。 只要命中50%以上，就可以拎到2/3內容分。 似乎嚮PTE評分標準入面，內容既要求都唔算高。 換句話說，RS內容要盡力記，但唔需要畀自己太大壓力。 如果聽漏記漏既內容少...
閱讀完整內容