Speaking : Read Aloud (RA) 上

Speaking : Read Aloud (RA) (上）
RA 呢個題型係大家練習既一個重點, 型式十分簡單: 考生會收到一段文字,有限時30-40秒（視乎題目長短) 既預備時間, 然後限時30-40秒完成朗讀。
今次先說說評分標準,分三個範疇。
內容（Content), 發音（Pronunciation) 和 流暢（Fluency)

內容
要拎內容分,讀既時候就要搬字過紙,如果讀錯,讀漏或者讀多,也會扣分。

發音
PTE唔要求大家要一口貴族英國腔, 唔同既口音考PTE也可以考到滿分。PTE要求大家發音係日常英語用家也容易明白,正確處理語調（stress)。

流暢
流暢度取決於斷句(phrasing), 朗讀節奏(rhythm)。亦即係停頓既地方喇。例如朗讀中途窒咗的話,流暢度分數會大減。

做Read Aloud既初衷就係要聆聽既人唔駛睇稿, 純粹聆聽你既錄音,就可以輕鬆準確寫返原稿出來。如果做到呢點, 就算唔係滿分,也不遠矣。

作為講廣東話既香港人, 難處主要在說得流暢中既斷句,節奏技巧和發音中既語調。

我並非語言專家,但以我所知廣東話係一個單音節(monosyllabic),多聲調(tonal) 既語言。 簡單說平時我哋說話係逐字發音, 每字也有其聲調。唔明既跟我讀「光復...英文」....
英文字卻可以一個字幾個音。唔同字放在一起也可能改變佢既語調。
打個譬喻,講廣東話有點樣機槍,一個字一個字掃。英文則是流水式,像音樂聲連綿。
RA要做好, 先要學好處理斷句,節奏和語調。

坊間唔少人會建議大家提高語速，某程度上呢個做法係可以算係避重就輕，減低評分系統捕捉到斷句、語調等出錯既機會。不過大家唔好低估評分系統既人工智能，一日你未正確掌握斷句、語調正確既技巧，其實都係未解決你既英語問題。而且提高語速可能會增加讀錯內容既機會。如果眼看既速度跟不上口讀既，更可能會出現讀得時快時慢，時順時窒既現象，大大扣分。
凡事切忌盲目，PTE Read Aloud唔係讀得愈快愈高分，毋忘初衷。
以我自身經驗，我也唔算讀得快，我平均約30-33秒完成40秒既RA題目。選一個舒服既讀速，可以盡能力發揮節奏和語調既實力，比鬥快重要。
如果大家有聽過英女皇既聖誕文告，大家應該會明。

希望我分享既資訊可以幫到大家。

本文也會轉載友好facebook專頁:
www.facebook.com/solvingpte

如果喜歡我既文章，請訂閱和分享，謝謝。

留言

張貼留言

這個網誌中的熱門文章

預備應考(1): 免費PTE資源

 預備應考(1): 免費PTE資源 移民或者去外地讀書，支出唔少，當然慳得就慳 網上有唔少免費既資源，可以幫到大家預備PTE，呢度嘗試整合一下供大家參考。 五大免費資源，缺一不可。 A. Pearson 官方免費模擬試題 Pearson 官網曾經提供過一份免費既模擬試題畀大家下載。 後來，佢地開發左自己既練習 app，果份試題就改左以app既形式發放。 如果大家想熟習一下題型，可以下載程式來試試 https://pearsonpte.com/preparation/resources/official-practice-app/ 如果想用模擬試題做一次三小時模擬考試，官網已經無得好似以前咁一次下載哂成個測試既題目。不過上網總有方法搵到既。 另外 Pearson同E2 language以及Macquiarie University合作，提供一些免費PTE課程 https://pearsonpte.com/preparation/resources/courses/ 尤其係E2 language既免費video，值得高度推介 https://www.youtube.com/playlist?list=PLNgX3kw7kalssPJzPjvreH6tnyjMmGbu1 B. 非官方練習網站 坊間有好多PTE相關既網站，可以分兩類: 練習個別題型 三小時完整練習 練習個別題型 Realpte https://realpte.com/home/ 中國網站，用email簡單登記後，有大量試題。試題質素就有點參差，好多錄音都係電腦合成聲音，同真實考試有差距。 三小時完整練習 Practepte http://www.practicepte.com/  提供兩個免費模擬測試，用email登記。第一個測試其實就係Pearson果份免費試題。第二個測試就係印度發音。印度口音嚮PTE題目入面都係一個常見口音，所以練習下也係無壞。 Ptesuccess http:/ptesuccess.com.au 都係email登記左之後，有一個免費模擬測試。介面設計細心，而且有一個模擬噪音既功能。之前講過考PTE係好嘈既，所以呢個噪音功能都可謂相當貼心。不過，真係考會比噪音功能更嘈吵。 79 score https://www.79score.com/ 又係em...
閱讀完整內容

Writing: Summarise Written test (SWT) (下)

 Writing: Summarise Written test (SWT) (下) 上篇示範左做SWT既技巧，今次討論返SWT既評分標準。 根據PTE官方評分手冊，共有四個評分範疇: 內容(Content)，句式(Form), 文法(Grammar) 同 生字(Vocabulary) 各 0-2分 做SWT就係要嚮時間有限，編幅有限既情況下盡量拿取分數。 首先要確保字數符合要求，即5-75字內。 少過5隻字相信唔駛講，但也不是愈多愈好。如果超過75字，不單Form 會拿0分, Grammar, Vocabulary, Content 也會失分。 SWT答案要求係一句文法正確通暢既句子。 因此答案不是愈長愈好, 一般35-45字既答案都幾足夠, 如果原文複雜一點, 都盡量在50字左右。原因係太長既句子,自不然會出現文法不通既情況。隨便拿本英文書來看, 一般句子字數都係50以下。答案覆蓋到大部份內容, content便穩得1分。如果貪心為左全取content 2分, 失去左grammar 2分,其實係為左1分蝕2分。句子結構太差既話,例如詞語錯了詞類（part of speech), 也可能被理解做唔熟悉詞語用法, 可能牽連到vocabulary 分。 坊間有些建議考生把句子單純用連接詞或標點組成一句75字既冗長句子, 以求盡取內容分。有時時佢哋既建議答案甚至係句子結構不通, 文法不順, 咁樣其實會被扣分既。 至於上次示範, 每一段先找出重點串成短句, 目的就係想確保內容齊備。只要大家多練習, 控制好時間,要全取內容分其實唔困難。 希望我分享既資訊可以幫到大家。 本文也會轉載到facebook專頁: www.facebook.com/solvingpte 如果喜歡我既文章，請訂閱和分享，謝謝。
閱讀完整內容

Speaking: Repeat Sentence (上)

Speaking:  Repeat Sentence (RS) (上) Repeat Sentence係Speaking中重要既一部份。PTE入面會有10-12題 RS，可見佔分非輕。 RS亦係PTE Speaking入面要練習既重點。 RS除左考聽力，朗讀，其實仲係考緊短期記憶。 短期記憶係可以訓練既。我建議可以預留臨考試既前幾天，作密集式訓練。 一日做幾十條RS，做得一百幾十條後，會發現短期記憶係會有所提升。 RS大概係十幾個數字既短句，練習時可以熟練把聽到既分三到四節記著，再還完全句朗讀出來。 集中留意句子既意義，也會令短期記憶加深。 RS難度在於在短句播完後，不一兩秒就要重覆句子。 嚮PTE入面，如果開始錄音後三秒仍未出聲，就會停止錄音，全題失分。 RS既評分標準分三部分，內容(Content)，流暢度 (Fluency) 和發音(Pronunication) 內容，流暢度和發音各滿分係3份。 其中要留意內容分既評分準則。 3 - All words in the response from the prompt in the correct sequence 2 - At least 50% of words in the response from the prompt in the correct sequence 1 - Less than 50% of words in the response from the prompt in the correct sequence 0 - Almost nothing from the prompt in the response  首先，RS係計正確次序既，例如: I bought apples, oranges and pears from the supermarket yesterday. 如果要全取三分，次序一定要正確，如果apples, oranges, pears 都記到，但次序錯左，例如 oranges, apples, pears，咁就會失分。 其次，要拎到2分既要求其實一點也唔高。 只要命中50%以上，就可以拎到2/3內容分。 似乎嚮PTE評分標準入面，內容既要求都唔算高。 換句話說，RS內容要盡力記，但唔需要畀自己太大壓力。 如果聽漏記漏既內容少...
閱讀完整內容