香港人PTE

預備應考(3): 溫習時間表 決定好要考PTE之後，好多人會問究竟要提前幾耐做準備。 呢個問題固然取決於每個人本身英語水平，唔可以一概而論。不過想考好PTE, 每個人都應該要有一個温習時間表 我會把預備PTE劃分做四個階段 (1) 認識題型和評分標準 PTE有好多唔同題型，大家首先就係要認識哂有甚麼題型喇。有唔少題型都有一些可以幫助提升分數既小技巧，所以熟習有咩題型係必要既。Pearson有一份官方既評分標準，入面有齊唔同既題型和評分方法，參考價值頗高。 https://pearsonpte.com/wp-content/uploads/2019/10/Score-Guide-for-test-takers-V12-20191030.pdf (2)練熟每種題型，和熟習答題技巧 呢個階段係整個預備過程既主菜，值得投資大部份時間。 唔少題型都有一些答題技巧，之後會花篇幅，把這些技巧和心德，逐個題型分享。呢度先賣關子，日後請多多留意。 (3) 模擬考試 熟習左題型之後, 就試試三個小時既完整模擬考試, 感覺會同練果別題目截然不同。尤其係Reading同Listening, 時間上會好趕。做多幾次模擬考試,習慣考試既節奏, 對考試表現有很大既幫助。 (4) 最後衝刺 考試前兩三日, 可以不停練習Repeat Sentence同Write from Dictation呢兩個題型。呢兩種題目,佔分重, 而且依賴短期記憶。短期記憶係可以訓練, 當你不停練習後,會明顯進步。 每個階段我分配既時間大約如下: （1）10小時（讀Scoring guide, 每個題型練習2-3條） （2）80小時 （輪流練習各題型和檢討分析） （3）20小時 （4-5次模擬試再加檢討時間） （4）10小時 （ 不停練RS,WFD, youtube有免費練習, 一段video十數條題目) 以每星期可以抽空15小時温習來計算, 大約要預2個月時間專心温習。 當然時間長短應按英文根底作調整,筆者英文根底都算可以 （會考 B)。 希望我分享既資訊可以幫到大家。 本文也會轉載友好facebook專頁: www.facebook.com/solvingpte 如果喜歡我既文章，請訂閱和分享，謝謝。

  轉載 https://www.facebook.com/solvepte/posts/129359165876337 [Survey on Hong Kongers’ Opinion regarding the Australian Safe Haven Scheme 澳洲避風港政策港人意見收集] Survey Link: https://docs.google.com/....../1FAIpQLS....../viewform...... Please scroll below for English version 澳洲多個香港人組織現正合作進行網上意見調查，收集港人移民澳洲意向及對「澳洲香港人避風港政策」的意見，希望透過問卷調查了解港人移民澳洲面對的困難及阻礙，作深入分析。 各組織將會參考問卷調查所得的數據及分析結果，製訂報告及建議書，日後交予澳洲國會議員及政府相關部門參考，作遊說擴大目前香港人避風港政策的用途。 收集的資料及數據，只會用作分析及製訂報告用途，不會收集可識別個人身份的資料，亦不會對外公開，完成報告後，亦會完全刪除，不作保留。 此問卷調查分有10個分項，需時約5分鐘完成。 Along with several other Hong Kong organisations in Australia, we wish to gather information from Hongkongers, who are holding HKSAR and/or BNO passport(s), on their opinions regarding the Safe Haven Scheme and immigration intentions to Australia. Information collected from this survey will be used solely for the purpose of informing the Australian government of the needs, concerns and characteristics of Hongkongers considering immigration to Australia. Analysed data will be presente...

 預備應考(2): 付費PTE資源 上次分享左免費既PTE資源, 今次講下要課金既,同埋值唔值得課。 A.書 PTE Academic Practice Tests Plus Student Book with Key (綠色書) 提供四份試卷, 頭一個測試會有些篇幅討論每個項目既技巧。題目難度以reading, listening略淺, speaking, writing適中,適合用來熟習考試。隨書光碟有一些唔同分數既錄音樣本,甚具參考價值。 PTE Academic Test builder Student Book with Audio CDs (藍色書) 亦都係四份試卷, reading 同listening題目比較深, 明顯難過真實考試。熟習左考試模式後,挑戰一下自己也唔錯。 呢兩本書每本大約二百零三百蚊左右，都係值得入手。 不過，呢兩本書網上其實可以搵到ebook連錄音，當然係違反版權。 如果買之前想睇下啱唔啱，搵Google幫下手啦。 本網誌十分尊重知識產權，絕對唔鼓勵大家做犯法既事情。 B. 官方Mock test Pearson官網提供左唔同既模擬測試套餐 https://pearsonpte.com/preparation 呢個模擬測試主要既好處係佢評分AI係官方編寫，所以參考性比較高。 如果真係選擇課金，就選擇官方模擬測試啦。 一個測試USD$35.99, 二個測試既套餐USD$59.9，四個測試USD$89.9 至於套餐推薦既官方書籍，我就覺得唔係太值得入手喇。 另外，我自己本身係沒有課金做模擬測試既，結果都順利過關，所以呢，冇話有一定要課既金，只係如果要課，相信呢個官方既模擬測試係比較值得課咁解。 至於非官方中國App既AI，免費玩玩係不妨，可以作適度參考，但就不值得太認真。 非官方App既AI同真實考試既AI出入其實頗大。以講(Speaking)為例，十分偏重語速，對發音，語調既評核和真實考試有所不同。所以用來參考一下係可以，但無需太介意，甚至千萬唔好為左要嚮非官方AI評核中提升成績，改變一些原來其實係正確既說話習慣。簡單講，唔好因為A貨AI學壞手。免費玩玩可以，課金就當然唔會啦。 若對以上資源有任何疑問，歡迎留言提問。 本文也會轉載友好facebook專頁: www.facebook.com/solvingpte 如果喜歡我地既...

 預備應考(1): 免費PTE資源 移民或者去外地讀書，支出唔少，當然慳得就慳 網上有唔少免費既資源，可以幫到大家預備PTE，呢度嘗試整合一下供大家參考。 五大免費資源，缺一不可。 A. Pearson 官方免費模擬試題 Pearson 官網曾經提供過一份免費既模擬試題畀大家下載。 後來，佢地開發左自己既練習 app，果份試題就改左以app既形式發放。 如果大家想熟習一下題型，可以下載程式來試試 https://pearsonpte.com/preparation/resources/official-practice-app/ 如果想用模擬試題做一次三小時模擬考試，官網已經無得好似以前咁一次下載哂成個測試既題目。不過上網總有方法搵到既。 另外 Pearson同E2 language以及Macquiarie University合作，提供一些免費PTE課程 https://pearsonpte.com/preparation/resources/courses/ 尤其係E2 language既免費video，值得高度推介 https://www.youtube.com/playlist?list=PLNgX3kw7kalssPJzPjvreH6tnyjMmGbu1 B. 非官方練習網站 坊間有好多PTE相關既網站，可以分兩類: 練習個別題型 三小時完整練習 練習個別題型 Realpte https://realpte.com/home/ 中國網站，用email簡單登記後，有大量試題。試題質素就有點參差，好多錄音都係電腦合成聲音，同真實考試有差距。 三小時完整練習 Practepte http://www.practicepte.com/  提供兩個免費模擬測試，用email登記。第一個測試其實就係Pearson果份免費試題。第二個測試就係印度發音。印度口音嚮PTE題目入面都係一個常見口音，所以練習下也係無壞。 Ptesuccess http:/ptesuccess.com.au 都係email登記左之後，有一個免費模擬測試。介面設計細心，而且有一個模擬噪音既功能。之前講過考PTE係好嘈既，所以呢個噪音功能都可謂相當貼心。不過，真係考會比噪音功能更嘈吵。 79 score https://www.79score.com/ 又係em...

  考PTE流程(下)  上回提及考一次PTE係三個鐘，呢個對專注力係一個挑戰，所以時先要預備一下。 一般來說，預備PTE既人都會經歷兩個階段。 第一個階段就係熟習唔同種類既題目。 PTE分講(Speaking)，寫(Writing)，讀(Reading)和聽(Listening) 每一個範疇都有好幾款題目，每款有其獨特策略，所以務必要熟習題型。 呢度有四個表，簡介左有咩題目: 第二個階段就係練習專注力喇，一次過做哂四部份三個鐘所有題型，初時就會發現都唔係輕鬆既一回事。集中精神三個鐘唔容易，不過練習一下，就會慢慢應付得來。 至於點樣練習三個鐘? 下篇會推介一下免費既網上PTE資源。 本文也會轉載友好facebook專頁: www.facebook.com/solvingpte 如果喜歡我地既文章，請訂閱和分享，謝謝。

 考PTE流程(上) PTE要考到好成績，要熟習考試既流程。 PTE係一個節奏緊湊，緊張刺激既考試。 如果大家好似我咁一把年紀，知道咩係A-Level，仲記得A-Level一份卷考三個鐘係咩滋味，咁就會知道PTE係有幾刺激喇。 PTE既考試時間都係大約三小時，因為每次考都係隨機在題庫選題，有些題目較長，有些較短，所以三小時係一個約數。 而且PTE有部份題目係獨立計時，唔可以拉上補下，所以就更加匆忙喇。 不過，PTE中間會有一個不夠十分鐘既小休，呢個一陣可以再講。 PTE題目係隨機，不過會順著講(Speaking) > 寫(Writing) > 小休(break) > 讀(reading)> 聽(Listening)既次序進行。 嚮開始正式考試前，會有少少時間畀大家試咪，同埋錄一段自白。好多考生考試都會好緊張，以為快快趣趣報到，開考，可以快點搞掂。謹此告介一下，考試一定要啖定。考試一定要準時，否則會畀人DQ，最好預早十五分鐘到，但到左唔好馬上報到，快考唔會加分，不妨去一去洗手間，畀人報到得七七八八先報到。禮讓是美德嘛。入到去唔計時既部份(試咪)，錄自白，也慢慢來。 點解唔好急？唔講得白喇，如果傳左開去，變左鬥慢開考，就玩爛個試喇。 應考前要有兩項心理準備。 1. 三小時真係趕 2. 考場會好嘈 十幾人(果時未有武肺)一齊大叫，要練定適當既聲量。 至於十分鐘小休，要注意既係電腦計時。因為大家考既進度不同，監考員係唔知你幾時小休既。又電腦計時到你舉手示意佢知，有時差。所以如果小休，千萬唔好懶懶閒，快快趣趣去完洗手間就好返去電腦度。電腦搭準十分鐘就會開始扣時間，而且Reading係好趕既一個部份。 為左避免意外發生，我應考時索性放棄小休。忍耐三個鐘，大家得既。 如果喜歡我既文章，請訂閱和分享，謝謝。 文章轉載到友好專頁： www.facebook.com/solvingpte 請多多留意

 PTE唔困難 兩年前既今日，我就挑戰左PTE呢個英文測試，幸運地一次考到移民澳洲所需要既成績。 兩年後既今日，已經身處澳洲西南一個鄉鎮，希望可以分享一下PTE考試既經驗。 澳洲移民行計分制，好多人考PTE，係為左移民試入面既語言分數。PTE分讀，寫，聽，講四個部分。目前來說，如果四部分也達79分以上，就可以加盡20分。 有些專業技術評估，也接受PTE成績。對於打算申請學簽既朋友，澳洲普遍既學府也係接受PTE成績。 IELTS 知名度比PTE高好多，但我建議大家考PTE，點解呢？ PTE 79，相等如IELTS 全 8。大家知道IELTS 寫作同會話部份要8，係好難既。 尤其係IELTS係人手評分，主觀因素下，考官總係可以找原因唔畀高分你。 而且口語考官係可以知道你其他分部既分數，有些都市傳說更加話有些考官知道你其他部分分數高，可以特登畀個6.5/7.5你，咁你就可以再付考試費。考試係一門生意，呢層我諗大家都明。 PTE係電腦評分，所以生得醜樣也唔會有任何蝕底。 如果你知道電腦既評分準則，PTE要考好既分數，唔困難。 就我所識，PTE考到滿分既都唔止三、五個，IELTS全9真係唔認識，所以梗係考PTE啦。 本文也會轉載到友好專頁: www.facebook.com/solvingpte 請大家繼續留意。